12-14 noyabr 2018-ci il tarixlərində “eTwinning Plus” layihəsi çərçivəsində Quba
şəhərində “Layihə əsaslı öyrənmə” mövzusunda Milli Konfrans keçiriləcək. Konfransa
50-dən çox müəllimin cəlb edilməsi nəzərdə tutulub.
Tədbirin keçirilməsində məqsəd müasir tədris
metodologiyalarının tətbiqi üzrə təcrübə mübadiləsi, layihə əsaslı tədrisin
müzakirəsi və eyni zamanda, “eTwinning Plus” layihəsinin ölkə üzrə əhatə
dairəsinin genişləndirilməsidir.
Tədbir çərçivəsində müəllimlərin XXI əsr
bacarıqlarını inkişaf etdirəcək müxtəlif təlim və müzakirələr təşkil olunacaq.
Konfransda iştirak etmək üçün link üzrə
qeydiyyatdan keçə bilərsiniz.
Xatırladaq ki, “eTwinning Plus” layihəsində Azərbaycandan indiyədək 301 məktəbdən 803 müəllimin iştirakı ilə 901 layihə həyata keçirilmişdir. Eyni zamanda, “eTwinning Plus” layihəsində iştirak edən müəllimlərin pedaqoji bilik və bacarıqlarının artırılması məqsədi ilə Avropanın müxtəlif ölkələrində kontakt seminarlar təşkil olunur. Təşkil olunmuş seminarlarda layihəyə üzv müəllimlər iştirak edir və beynəlxalq sertifikatlarla təltif olunurlar.
Mənbə: https://etwinningplus.edu.az/news/45