Məktəbdənkənar təhsil müəssisələrinə elektron sənəd qəbulu prosesinə 28 noyabr 2024-cü il saat 11:00-dan etibarən portal.edu.az saytı vasitəsilə start veriləcək. Sözügedən xidmət sayəsində  məktəbdənkənar fəaliyyətlə məşğul olmaq istəyən uşaqların valideynləri Portal.edu.az-da “Şəxsi kabinet” vasitəsilə elektron formada müraciət edə və müraciət üzrə cari status və növbəti addımları izləyə biləcəklər. 

Qəbulun elektron formada həyata keçirilməsi müraciətçilərin müraciətlərini izləmək, müəssisəyə getmədən elektron formada nəticələri barədə öz “Şəxsi kabinet”ləri vasitəsilə məlumat əldə etmək imkanı yaradır.