5 dekabr tarixində “ADA” Universitetində “FIRST
LEGO League” (FLL) mühəndislik və robot texnikası üzrə turnirin komanda
rəhbərləri üçün ilk məlumat sessiyası keçirilib.
Sessiyada iştirakçılar 2019-2020-ci tədris ili üzrə
keçiriləcək turnirin qaydaları və yeniliklər barədə məlumatlandırılıblar.
Cari ildə keçiriləcək yerli turnir çərçivəsində
10-16 yaşlı məktəblilərdən ibarət 55 komanda “Əsas dəyərlər”, “Robot dizaynı”,
“Layihə təqdimatı” və “Robot oyunu” adlı 4 kateqoriya üzrə bilik və
bacarıqlarını nümayiş etdirəcəklər.
Turnir hər il müxtəlif qlobal elmi və texnoloji
problemlərə həsr olunur. Bura “hidrodinamika – suyun səyahəti”, “heyvanların
qorunması”, “okeanların qorunması”, “yaşlılara yardım”, “qlobal iqlim”, “dünya
təhsili” və s. kimi fərqli mövzular daxildir. 2019-2020-ci tədris ili üzrə
turnir şəhərsalma və arxitektura mövzusuna həsr edilib və "City Shaper"
adlanır.
Qeyd edək ki, FLL turniri ölkəmizdə Təhsil Nazirliyi, “ADA” Universiteti və “Mars Academy” şirkətinin birgə təşkilatçılığı ilə artıq 3 ildir ki keçirilir.